貞子vs伽椰子

女大學生有裡(山本美月 飾)因為要慳錢，諗住用二手錄影機就算。點知錄影機入面，竟然附送舊錄影帶！佢嘅同學睇完，即接到午夜電話，不久更離奇死亡！之後有裡開始追查呢個死亡傳說，仲搵埋靈媒師經藏(安藤政信 飾)幫手，拆解呢個死亡詛咒。另一方面，高中女生鈴花(玉城TINA 飾)同家人搬咗入曾經係佐伯家嘅新居，從此怪事不斷發生，家人亦接連遭遇不幸。極度恐慌嘅佢，亦係搵經藏幫忙。於是，經藏、有裡、鈴花，一齊捉鬼三人行；仲諗出絕世好橋，實行以毒攻毒，利用貞子對付伽椰子，然後佢哋再出手消滅剩下嘅鬼後！究竟最後係佢哋捉鬼？定係鬼捉佢哋？